Ghost of Yotei üçün çıxış tarixi və kolleksiya versiyası detalları paylaşılıb. Yeni oyun oyunçuları 1603-cü ilin Yaponiyasına aparacaq.

PlayStation, Ghost of Tsushima kainatında baş verən yeni oyun Ghost of Yotei üçün maraqla gözlənilən açıqlamanı elan edib. Sucker Punch tərəfindən hazırlanan oyunun çıxış tarixi 2 oktyabr 2025 olaraq bildirilib. Yalnız PS5 üçün çıxacaq bu oyunla birlikdə yayımlanan treyler həm yeni qəhrəman Atsu-nun hekayəsinə, həm də Yotei Dağı ətrafındakı möhtəşəm atmosferə dair ilk ipuclarını təqdim edir. Həmçinin standart və kolleksiya versiyasına dair ətraflı məlumatlar da oyunçularla bölüşülüb.
 

Ghost of Yotei - Hekayəsi və Məzmunu ilə Diqqət Çəkir

Ghost of Yotei-in standart versiyası ABŞ-da 69.99 dollar qiymətilə satışa çıxarılacaq. Oyunu əvvəlcədən sifariş edənlərə xüsusi bir oyun içi maska və Atsu ilə Yotei Altılısının yer aldığı yeddi fərqli PSN avatarı təqdim olunacaq. Bu əlavələr oyunun personajlarına və konsept dizaynına yönəlmiş tematik bir təcrübə təqdim etməyi hədəfləyir.

Yeni oyunda hadisələr 1603-cü ilin Yaponiyasında baş verəcək və hekayə Ghost of Tsushima-dan təxminən 300 il sonrasını əhatə edəcək.

Sucker Punch-dan Zəngin Məzmunlu Collector’s Edition Təqdimatı

Sucker Punch, kolleksiyaçılar üçün olduqca zəngin məzmunlu Collector’s Edition paketini də rəsmi olaraq təqdim etdi. Bu xüsusi buraxılış, Rəqəmsal Deluxe məzmunlarla yanaşı, Atsu-nun maskasının 1:1 ölçülü replikasını da ehtiva edir. Maskanın Jin-in maskası ilə eyni ölçüdə olması iki oyun arasında vizual bir əlaqə qurur. Bundan əlavə, Yotei Altılısının adlarının işlənmiş olduğu 71 düym uzunluğunda bir qurşaq, Atsu-nun atası tərəfindən hazırlanmış iki qurd fiquru olan katananın tsubası və xüsusi dayaq da bu kolleksiya paketinə daxildir.

Collector’s Edition daxilində oyunçuları maraqlı sürprizlər də gözləyir. Ghost of Yotei dünyasında oynana bilən bir bacarıq oyunu olan Zeni Hajikinin qaydaları və istifadə olunacaq metal sikkələr də bu paketin tərkibində yer alır. Həmçinin qatlanabilən kağızdan hazırlanmış bir ginkgo ağacı, bir qurdla birlikdə təqdim olunan fiqur və dörd ədəd 5x7 düym ölçülü xüsusi sənət kartı da paketə daxildir. Bu kartlarda qurşaq, qurd, Atsu-nun maskası və oyunun əsas vizual konsepti yer alır.

Ghost of Yotei: Yeni Bir Dövrün Başlanğıcı

Sucker Punch, Ghost of Yotei ilə oyunçuları Yaponiyanın şimalındakı Ezo bölgəsinə, yəni müasir Hokkaydoya aparacaq. Yeni qəhrəman Atsunun yolçuluğu ilə bağlı hələlik çox məlumat verilməsə də, studiya bu yeni hekayədə epik bir atmosfer və kəşfə açıq bir dünya vəd edir. Ghost of Tsushimadan sonra bu kainatda yeni bir dövrün başlandığı da bu açıqlamalarla birlikdə rəsmi olaraq təsdiqlənmiş olur.